राष्ट्रीय पोषण महीना रा तैत जयपुर मांय मंगलवार ने सामुदायिक सम्मेलन राख्यी ज्यो। इण मांय उप मुख्यमंत्री दीया कुमारी कह्यो के महिलावां ने खुद रे पाण ऊबी करण सारू समाज ने सोच मांय बदलाव करणो पडे़ला। दीया कुमारी कह्यो के महिलावां ने नौकरी अर ऊंचा दर्जा री भणाई करावण मांय पिरवार री मदद घणी जरूरी व्हे है। कार्यक्रम पाछे खबरनवीसा सागे बातचीत करता थकां दीया कुमारी कह्यो के सरकार टाबरियां अर महिलावां ने मजबूत बणावण सारू लगातार जतन कर रही है। पोषण अभियान रा तैत सवाईमाधोपुर जिला रा आंगनबाडी केन्द्रां माथे आज पूरक पोषाहार थीम रा तहत गोद भराई रो कार्यक्रम राख्यी ज्यो। ईं सागे ई महिलावां मांय बच्चां ने खुद रो दूध पावण रा बारा मांय जाग जगावण सारू ई कार्यक्रम राख्यी ज्यो। जैसलमेर मांय केन्द्रीय संचार ब्यूरो रा क्षेत्रीय कार्यालय जोधपुर री ओर ऊं पोषण ऊं जुड्यो जागरूकता कार्यक्रम राख्यी ज्यो।