उपराष्ट्रपति जगदीप धनखड़ कोचिंग सेंटर्स री बढ़ती संख्या ने गंभीर संकट बताया। वे कया के या स्थिति चिंता रो विषय है। इण सूं निपटणो पडेला। उपराष्ट्रपति कया के नम्बरां री होड़ सूं केई भांत री मनोवैज्ञानिक समस्यावां व्हे सके है। उपराष्ट्रपति थावर ने कोटा रा ट्रिपल आईटी रा दीक्षांत जळसा मांय बोल रिया हा। वे कया के युवा म्हाका देश रो खजानो है। श्री धनखड़ युवावां सूं नौकरी करबा री ठोड़ रूजगार देबा वाळा बणबा ने कया। वे कया के ओ दीक्षांत शिक्षा रो अंत नी है, वे कया के म्हाने जीवनभर सीखबा कोशिश करणी चाहिजे। जळसा मांय राज्यपाल हरिभाऊ बागड़े पढणियां सूं शोध माथे ध्यान देबा ने कया। वे कयो के ज्ञान रो इस्तेमाल सगळा लोगां रा हित खातर करणो चाहिजे। कार्यक्रम मांय 189 पढणियां ने उपाधियां दी गईं। बीटेक अर एमटेक मांय अव्वल दो पढणियां ने सोना रा तमगा दिया गया।