उपराष्ट्रपति जगदीप धनखड़ कह्यो है के भणाई-लिखाई बदलाव अर विकास रो बुनियादी आधार है। वे थावर ने आईआईटी जोधपुर रा 10वां दीक्षान्त समारोह मांय बोल रह्या हा। धनखड़ कह्यो के भारत सकारात्मक बदलाव रा दौर ऊं गुजर रह्यो है अर अणगिणत मौकां अर उम्मीद री धरती है। यूपीआई रो जिकर करता थकां उपराष्ट्रपति कह्यो के भारत मांय रोजीना औसतन 466 मिलियन डिजिटल लेनदेन व्हे रह्या है जो नुवी संचार क्रांति रो नतीजो है। वे कह्यो के भारत मांय दुनिया रो तीजो मोटो स्टार्टअप इकोसिस्टम है। वे एक पेड़ मां के नाम अभियान रा तहत पौधा ई रोप्या। कार्यक्रम मांय केंद्रीय मंत्री गजेंद्र सिंह शेखावत कह्यो के दुनिया मांय भारत री नुवी ओळखाण बण रही है। दीक्षान्त समारोह मांय उपराष्ट्रपति 1084 विद्यार्थियां ने डिग्रियां दीनी अर होशियार विद्यार्थियां ने सोना रा तमगा दे र नवाज़ा। ईं मौके आईआईटी जोधपुर मांय एआइओटी लैब अर इलेक्ट्रॉनिक निर्माण इकाई रो ऑनलाइन उद्घाटन ई करी ज्यो।