उपमुख्यमंत्री दीया कुमारी अर विधानसभा अध्यक्ष वासुदेव देवनानी बुधवार ने राजकीय संग्रहालय अजमेर मांय रख-रखाव अर इण ने और बेहतर बणावण रा काम री सरूआत कीनी। आं मांय सिंधु दर्शन दीर्घा बणावण, प्रदर्शनी कक्ष रो विकास करण अर धरोहर पुस्तकालय ने और बेहतर बणावण सरीखा काम शामिल है। ईं मौके उपमुख्यमंत्री दिया कुमारी कह्यो के विरासत ने संभाळ र राखणो सगळा री ज़िम्मेदारी है। दिया कुमारी संग्रहालय मांय राख्यी ज्यी दुर्लभ पांडुलिपियां ने डिज़िटल बणावण सारू और बजट देवण रो भरोसो ई दिरायो।