उपमुख्यमंत्री दिया कुमारी गुरूवार ने कोटपुतली-बहरोड़ ज़िला रा पाथरेड़ी गांव मांय कृषि कॉलेज जनता ने सूंप्यो। ई मौके वे कह्यो के राज्य सरकार खेतीबाड़ी अर काश्तकारां रा भला सारू न्यारी-न्यारी योजनावां बणा र काम कर रही है। वे कह्यो के ओ कॉलेज खुल जावण ऊं ईं हलका रा विद्यार्थियां अर किसानां ने फायदो मिलेला। राइजिंग राजस्थान इनवेस्टमेन्ट समिट रो जिक्र करता थकां दिया कुमारी कह्यो के प्रदेश मांय ईं रा तैत हाल तांई 25 लाख करोड़ रूप्या रा करार करी ज्या है। उपमुख्यमंत्री कह्यो के सरकार बेगी ई ट्यूरिज्म यूनिट पॉलिसी लावेला। जळसा मांय जयपुर ग्रामीण संसदीय हलका रा सांसद राजेंद्र सिंह समेत जनता रा केई नुमाइन्दा मौजूद हा।