उपमुख्यमंत्री दिया कुमारी थावर ने रामदेवरा मांय लोक देवता बाबा रामदेव री समाधि माथे पूजा-अर्चना कर र प्रदेश री खुशहाली री कामना कीनी। खबरनवीसां सागे बातचीत करता थकां उपमुख्यमंत्री कह्यो के देश रा कोना-कोना ऊं रामदेवरा दर्शन रिण सारु आवण वाळां ने सगळा जरूरी सुबीता मुहैया करावण माथे सरकार रो खास ध्यान है। दिया कुमारी इण ऊं पैली जोधपुर रेलवे स्टेडियम मांय राख्यी ज्या लंगड़ी एक्सप्रेस कार्यक्रम मांय शामिल व्ही। वे खुद लंगड़ी टांग खेली अर दौड़ लगा र इण मांय सिरकत करण वाळा खिलाड़ियां रो उमाव बधायो। ईं मोके वे कह्यो के पारम्परिक खेल म्हाणी धरोहर है, जिण ऊं दुनियाभर मांय म्हाणी न्यारी ओळखाण है।