उपनिरीक्षक भर्ती परीक्षा रो पेपर लीक व्हेवण रा मामला मांय राजस्थान लोक सेवा आयोग रा गिरफ्तार करी ज्या पैली वाळा सदस्य रामूराम राईका ने अदालत शनिवार तांई एसओजी ने रिमांड माथे सूंप दीनो है। वां ने एसओजी री ओर ऊं आज करड़ी हिफाजत बीचे अदालत मांय पेश करी ज्यो। रामूराम राईका ने अदालत सामी पेश करण रे दौरान वकील हंगामो कीनो, जिण ने पुलिस रा अहलकार समझाइश कर र शांत करायो। ध्यानजोग है के आरपीएससी रा पैली वाळा सदस्य रामूराम राईका ने एसओजी काल पूछताछ सारू बुलायो हो, जिण ने मोड़ी रात गिरफ्तार कर लियो ज्यो। इण ऊं पैली एसओजी थावर ने रामूराम राईका री बेटी शोभा राईका अर बेटा देवेश राईका समेत थानेदारी री सिखावण ले रह्या 5 जणां ने गिरफ्तार कीना हा।