उद्योग अर वाणिज्य विभाग पीएम विश्वकर्मा योजना रा तैत बैंकां ऊं कर्ज लेवण वाळां कानी ऊं चुकायी ज्या ब्याज माथे 2 फीसदी और सब्सिडी देवण ऊं जुड़्यो हुकम जारी कीनो है। ईं पाछे अब पात्र लोगां ने पीएम विश्वकर्मा योजना रा तैत महज 3 फीसदी ब्याज री रेट ऊं कर्ज मिल सकेला। उद्योग मंत्री राज्यवर्धन सिंह राठौड़ आ जाणकारी दीनी। वे बतायो के ईं योजना रा तैत केन्द्र सरकार खाती, लुहार, मूर्तिकार, सुनार अर कुम्हार समेत 18 भांत रा दस्तकारां ने फायदो दे रही है। उद्योग मंत्री कह्यो के ईं योजना रा तैत दस्तकारां ने पीएम विश्वकर्मा सर्टिफिकेट अर हुनर ने और बेहतर बणावण सारू सिखावण, 15 हजार रूप्या री टूलकिट मदद अर बैंक कानी ऊं सस्ती रेट ऊं बिना गारंटी कर्ज मुहैया करायो जावे है।