उत्तर-पश्चिम रेलवे त्यौहारां रे मौके मुसाफिरां री मोटी तादाद ने ध्यान राखता थकां न्यारी-न्यारी ठौड़ां सारू 107 खास गाड़ियां रा 987 फेरा करा रह्यो है अर 60 नियमित रेलगाड़ियां मांय पौने दो सौ और डिब्बा जोड़्या है। जयपुर, जोधपुर, अजमेर अर रींगस सरीखा खास टेशनां माथे मुसाफिरां रा सुबीता सारू होल्डिंग एरिया बणायी ज्या है जठे बैठण री ठौड़, पीवण रा पाणी अर टिकट रा सुबीता मुहैया करायी ज्या है। टेशनां माथे लेवण-छोडण सारू आवण वाळां री तादाद कम करण सारू प्लेटफॉर्म टिकट ई नी दिया जा रह्या है।