आस्था अर उमाव रो तिवार हरियाळी तीज दीतवार ने रित मुजब मनायो जावे। इण ने सावणी तीज ई कही जावे। ई दिन महिलावां शिव-पार्वती रो पूजन कर ने सुख-समृद्धि री कामना करे है। हरियाली तीज रे मौके मंदिरां मांय खास झांकियां सजायी ज्यी है। करौली मांय मदन मोहन मिंदर मांय सावणी तीज रे मौके सिरधालूआं री घणी भीड देखी जावे। अजमेर मांय तीर्थराज पुष्कर मांय सावन झूला महोत्सव री सरूआत व्ही। पाली मांय तीज रे मौके न्यारा-न्यारा धार्मिक आयोजन कर्यो जावे। साथै ई लोगां ने तुलसी अर अपराजिता रा पौधा बांटी ज्या। सवाईमाधोपुर मांय विधिपूरण पूजा-अर्चना रे पछे रित मुजब शाही लवाजमा रे साथै तीज माता री सवारी निकाळी ज्यी। सिरोही, बाडमेर समेत न्यारा-न्यारा ज़िला मांय हरियाळी तीज रो तिवारं महिलावां रीत मुजब उमाव रे साथै मनायो। राजधानी जयपुर मांय तीज माता री सवारी निकाळी जावे । इण ऊं पैला उपमुख्यमंत्री दीया कुमारी जयपुर रा पौडिं्रक पार्क मांयं तीज महोत्सव रे तैत क्राफ्ट अर फूड मेळा री सरूआत करी।