आवता एक साल मांय सीमा सुरक्षा बल-बीएसएफ ने और बेहतर बणावण अर बल रा कर्मचारियां रा भला माथे खास ध्यान दियो जावेला। गृह मंत्री अमित शाह गुजरात रा भुज मांय बीएसएफ रा हीरक जयंती स्थापना दिवस समारोह मांय ओ ऐलाण कीनो। वे कह्यो के गृह मंत्रालय बीएसएफ ने आवता पाँच साल मांय दुनिया रो सब ऊँ आधुनिक अर आक्रामक बल बणावणो तैय कीनो है। श्री शाह कह्यो के बीएसएफ ऑपरेशन सिंदूर रेे दौरान खास काम कीनो। वे उग्रवाद-रोधी अभियानां मांय बीएसएफ रा काम री सराहवणा करता थकां कह्यो के देश मांय 31 मार्च, 2026 तांई नक्सलवाद खत्म कर दियो जावेला। ईं मौके श्री शाह एक यादगिरी डाक टिकट जारी कीनो अर परेड रो निरीक्षण कीनो।