आर.पी.एस.सी. कानी ऊं सीनियर टीचर रा साढे छह हज़ार ओहदां माथे भर्ती सारू लिया जावण वाळा इम्तिहान बाबत् अर्जियां मंगलवार ऊं ली जावेला । अर्जियां 17 सितम्बर तांई दी जा सकेला। ईं रे जरिये माध्यमिक शिक्षा विभाग मांय दस विषयां रा अध्यापकां री भर्ती करी जावेला। आयोग रा सचिव रामनिवास मेहता बतायो के आयोग चार और भर्तियां सारू ई अर्जियां ले रह्यो है। आं मांय प्राध्यापक-कोच रा 3 हजार 225, कृषि विभाग मांय सहायक कृषि अभियंता रा 281, पशु चिकित्सा अधिकारी रा 1100 अर पुलिस एस.आई. रा 1 हजार 15 ओहदा शामिल है।