भारतीय रिज़र्व बैंक री मौद्रिक नीति समिति रेपो रेट साढ़े 5 फीसदी रा लेवल माथे ई राखण रे फैसलो कीनो है। ईं सागे ई स्थायी जमा सुविधा दर सवा 5 फीसदी अर सीमांत स्थायी सुविधा दर अर बैंक रेट पौने 6 फीसदी रेहवेला। ओ फैसलो फरवरी महीना ऊं हाल तांई करी ज्यी सौ आधार अंकां री कटौती पाछे अर आवता त्यौहारां ऊं पैली करी ज्यो है। भारत ऊं मंगाया जावण वाळा सामान माथे अमरीका कानी ऊं फीस मांय बधोतरी रे बावजूद आर.बी.आई चालू माली साल रा सकल घरेलू उत्पाद- जी.डी.पी. मांय बधोतरी री रेट साढ़े 6 फीसदी रा लेवल माथे बणी रेहवण रा आसार जताया है। मौजूदा माली साल मांय महंगाई मांय बधोतरी री रेट 3 दशमलव 1 फीसदी रेहवण रो अनुमान है, जो जून महीना रा 3 दशमलव 7 फीसदी ऊं कम है।