आदिवासियां रो महाकुंभ कह्यो जावण वाळो बेणेश्वर मेळो थावर ने सरु व्ह्यो। ओ मेळो डूंगरपुर ज़िला रा सोम माही अर जाखम नदियां रा संगम री ठौड़ बेणेश्वर धाम मांय भरे है। मेळा मांय मोटी तादाद मांय जातरु पूग रह्या है। म्हाणा डूंगरपुर खबरनवीस बतायो के ढोल-नगाड़ां री धूम बीचे धाम माथे सतरंगी ध्वजा फहरा र मेळा री सरुआत करी ज्यी। दूजी कानी जैसलमेर मांय काल मरू महोत्सव सरु व्हेला। 12 फरवरी तांई चालण वाळा ईं उत्सव मांय देसी-परदेसी सैलानियां अर स्थानीय जनता सारु सांस्कृतिक कार्यक्रम अर रोचक होड़ां राख्यी जावेला। महोत्सव री सरुआत काल शोभा यात्रा सागे व्हेला।