आथूणी विक्षोभ रा असर रे खत्म होवण रे साथे री प्रदेशभर मांय सर्दी रो असर बध ग्यो है। उत्तर ऊँ चालण वाळी ठण्डी हवा मैदानी हलकां मांय ठण्ड ने तेज़ कर दिया है। शेखावटी हलका रा ज़िला मांय संवारा कोहरा रे साथे ठण्डी हवा चालण ऊँ लोगां रा जीवन माथे असर पड़यों है। मौसम महकमां मुजब ई सीजन मांय सीकर मांय दूजी बार कमती रो तापमान एक डिग्री सेल्सियस मापी ज्यो। अलवर ज़िला मांय ई करड़ी ठण्ड रे चालता आम जिन्दगी माथे असर व्ह्यो है। खेतां मांय फसलां माथे बर्फ जमण रे साथे सूखी घास अर लकडी माथे ओस निजर आयी। मौसम केन्द्र जयपुर आवता दो दिन चूरू, झुंझुनूं, सीकर अर नागौर ज़िलां मांय शीतलहर चालण सारू चेताया है। अठिने सर्दी री छुट्टियां लागण रे साथे ई प्रदेश रा अभ्यारण्य ई सैलाणियां ऊँ गुलजार होवण लाग्या है। अलवर रा सरिस्का मांय बाघा रो कुनबों बधण रे सैलाणियां री आवक बध ग्यी है। प्रदेश री पर्वतीय सैलाणी ठौड़ माउंट आबू मांय सैलाणियां री आवक बध ग्यी है। म्हारा सिरोही खबरनवीस बतायो के अठे ठंड रो आनन्द लेवण आरे-सारे रा राज्या रे साथे ई सैलाणी पूग रह्या है।