आखा तीज बुधवार ने परम्परागत आस्था सागे मनायी ज्यी। अबूझ सावो मान्यो जावण रे कारण ईं मौके मोटी तादाद मांय ब्याह रा जळसा अर मांगलिक आयोजन कर्या जा रह्या है। लोकसभा अध्यक्ष ओम बिरला ई आज झालावाड़ मांय राख्यी ज्या भेळा ब्याह मांय शिरकत कीनी। कार्यक्रम मांय वे कह्यो के समाज मांय बदलाव सारू ऐड़ा आयोजन खास है। आखा तीज रे मौके किसान अनाज अर खेती-बाड़ी मांय काम आवण वाळा साज-ओ-सामान री पूजा कीनी। ईं मौके गांवां मांय बाजरा अर गुड़ रा परम्परागत व्यंजन ई बणायी ज्या। परशुराम जयंती रा सिलसिला मांय झालावाड़ समेत केई ठौड़ां शोभायात्रा निकाळी ज्यी अर धार्मिक आयोजन राख्या जा रह्या है। शेखावाटी हलको बसावण वाळा महाराव शेखाजी रो 537वों निर्वाण दिवस आज जयपुर मांय सर्व-धर्म-समभाव रा तौर ऊं मणायी ज्यो। ईं मौके न्यारा-न्यारा धर्म गुरू सहिष्णुता अर भाईचारो बणायो राखण बाबत् कह्यो।