आकाशवाणी री महानिदेशक डॉ. प्रज्ञा पालीवाल गौड़ ज़िम्मेदार प्रसारण सागे कार्यक्रमां ने रुचिकर बणावण माथे ज़ोर दीनो है। वे आकाशवाणी रा कार्यक्रम प्रमुखां ऊं नुवा-नुवा काम करण अर हर पीढ़ी रा लोगां ने जोड़बा री बात कही। डॉ. पालीवाल मंगलवार ने जयपुर मांय प्रदेश रा आकाशवाणी केंद्रां रा कार्यक्रम प्रमुखां री दो दिन री राज्य स्तर री समीक्षा बैठक रा समापन सत्र मांय बोल रही ही। वे कह्यो के आकाशवाणी सूचना, शिक्षा अर मनोरंजन रा मकसद सागे ऊं काम कर रह्यो है। महानिदेशक अहलकारां ऊं फील्ड मांय जा र सजीव कार्यक्रम तैयार करण अर नुवी प्रतिभावां ने बत्ता ऊं बत्ता मोका देवण बाबत् ई कह्यो।