देश रा पैली वाळा प्रधानमंत्री अर भारत रत्न मान ऊं नवाजी ज्या अटल बिहारी वाजपेयी ने आज वां री बरसी रे मौके राष्ट्रपति द्रौपदी मुर्मू, उपराष्ट्रपति जगदीप धनखड़ अर प्रधानमंत्री नरेंद्र मोदी समाधि माथे फूल चढ़ा र याद कीना। लोकसभा अध्यक्ष ओम बिरला, राज्यसभा रा उपसभापति हरिवंश अर रक्षा मंत्री राजनाथ सिंह समेत केई नेता ई वां ने श्रद्धांजलि दीनी। सोशल मीडिया पोस्ट रे जरिये प्रधानमंत्री नरेन्द्र मोदी कह्यो के अटल बिहारी वाजपेयी ने देश बणावण मांय वां रा योगदान सारू याद कर्या जावे है। मुख्यमंत्री भजन लाल शर्मा ई अटल बिहारी वाजपेयी ने याद करता थकां सोशल मीडिया रे जरिये कह्यो के वाजपेयी रो अटल व्यक्तित्व अर विचार हमेशा सीख देता रहवेला।