अजमेर मांय आयुर्वेद विश्वविद्यालय खोल्यो जावेला। इंर् सारू जमीन तैय करण बाबत् विधानसभा अध्यक्ष वासुदेव देवनानी मौका रो जायजो लीनो अर अहलकारां ने जरूरी हुकम दीना। वे जिला प्रशासन ने महर्षि दयानन्द सरस्वती विश्वविद्यालय कने री ज़मीन री पैमाइश करण रा हुकम दीना। देवनानी महर्षि दयानन्द सरस्वती विश्वविद्यालय रा कुलपति सचिवालय मांय इंर् बाबत् अहलकारां सागे चर्चा कीनी। ध्यानजोग है के राज्य सरकार प्रदेश रा बजट मांय अजमेर मांय आयुर्वेद विश्वविद्यालय, आई.टी. पार्क, स्पोर्ट्स कॉलेज, अकादमी अर पीवण रो पाणी मुहैया करावण ऊं जुड़ी न्यारी-न्यारी परियोजनावां रो ऐलाण कीनो हो।