अंता विधानसभा हलका मांय 11 नवम्बर ने व्हेवण वाळा उपचुनाव मांय वोट देवण वाळां रा सुबीता सारु मतदान केन्द्रों री तादाद बधायी ज्यी है। राज्य रा मुख्य निर्वाचन अधिकारी नवीन महाजन मंगलवार ने जयपुर मांय खबरनवीसां सागे बातचीत करता थकां आ जाणकारी दीनी। वे बतायो के हलका मांय स्वतंत्र अर बिना डर मतदान सारु ज़रुरी तैयारियां करी जा रही है। उपचुनाव रा ऐलाण सागे ई पूरा बारां ज़िला मांय चुणाव आदर्श आचार संहिता लागू व्हे ग्यी है। वे बतायो के वोटर लिस्टां मांय 11 अक्टूबर तांई नाम मंडाया, हटाया या अपडेट कर्या जा सकेला। ईं बीचे बारां रा ज़िला कलेक्टर रोहिताश्व सिंह तोमर अर एस.पी. अभिषेक अंडासु आज खबरनवीसां अर सियासी पार्टियां रा नुमाइन्दां ने निर्वाचन विभाग री गाइड लाइन रा बारा मांय जाणकारी दीनी। एस.पी. बतायो के उपचुनाव रे दौरान हलका मांय हिफाज़त रा सगळा ज़रूरी बंदोबस्त कर्या जावेला।