अंता विधानसभा हलका मांय उपचुनाव सारू 11 नवम्बर ने वोट पडे़ला। मुख्य चुनाव आयुक्त ज्ञानेश कुमार सोमवार ने नई दिल्ली मांय खबरनवीसां ने आ जाणकारी दीनी। वे बतायो के इण री अधिसूचना 13 अक्टूबर ने जारी करी जावेला अर 20 अक्टूबर तांई नाम पाना दाखिल कर्या जा सकेला। ध्यानजोग है के अंता विधानसभा सीट विधायक कंवर लाल मीणा री सदस्यता रद्द व्हेवण रे कारण खाली व्ही ही। आयोग बिहार मांय विधानसभा चुनाव री तारीखां रो ई ऐलाण कीनो। बिहार विधानसभा री 243 सीटां सारू दो दौर मांय 6 अर 11 नवंबर ने वोट पडे़ला। चुनाव रा कार्यक्रम रा ऐलाण सागे ई चुणाव आदर्श आचार संहिता लागू व्हे ग्यी है।