अंता विधानसभा सीट माथे व्ह्यो उपचुनाव कांग्रेस रा उम्मीदवार प्रमोद जैन भाया जीत लीनो है। वे नज़दीकी उम्मीदवार भारतीय जनता पार्टी रा मोरपाल सुमन ने 15 हजार 612 वोटां ऊं हराया। कांग्रेस रा भाया ने 69 हज़ार 571 जद के भाजपा रा मोरपाल सुमन ने 53 हज़ार 959 वोट मिल्या। तीजी ठौड़़ माथे रह्या निर्दलीय उम्मीदवार नरेश मीणा ने 53 हज़ार 800 वोट मिल्या। नतीजा रा ऐलाण पाछे प्रदेश कांग्रेस अध्यक्ष गोविंद सिंह डोटासरा प्रमोद जैन भाया ने बधाई देता थकां इण ने “विश्वास अर विकास री जीत” बतायो। नतीजां माथे भाजपा रा प्रदेश अध्यक्ष मदन राठौड़ कह्यो के पार्टी जनता रा हुकम रो मान करे है। निर्दलीय उम्मीदवार नरेश मीणा हार पाछे कह्यो के वे जनता रा प्रेम अर आशीर्वाद ने नमन करे है। ध्यानजोग है के अंता विधानसभा सीट माथे उपचुनाव सारू 11 नवम्बर ने वोट पड़्या हा।