सावण महीना रा दूजा सोमवार ने प्रदेश रा शिव मिन्दरां मांय संवारे ऊं ई जातरू पूगण लाग्या। हर-हर महादेव रा जयकारां ऊं भक्ति रो वातावरण रह्यो। मुख्यमंत्री भजन लाल शर्मा ई वां रा रहवास मांय बण्या राज राजेश्वरी मिन्दर मांय जोड़ायत सागे भगवान शिव री पूजा कर र प्रदेश मांय सुख समृद्धि री कामना कीनी। देवस्थान विभाग कानी ऊं सेवा कर्या जावण वाळा मिन्दरां मांय रूद्राभिषेक रा आयोजन राख्यी ज्या। न्यारी-न्यारी ठौड़ां कावड़ यात्रावां ई निकाळी ज्यी। बारां ज़िला रा अन्ता मांय नागदा शिव मिन्दर ऊं कावड़ यात्रा निकाळी ज्यी। बाड़मेर रा हरपालेश्वर महादेव मिन्दर, चौहटन रा कपालेश्वर महादेव मिन्दर, जसदेर धाम अर दूजा शिव मिन्दरां मांय भक्तां री लेणां निजर आयी।