सरिस्का अभयारण्य मांय बाघिन-एसटी-19 चार शावकां ने जन्म दियो है। बरेली बाड़ी रा बफर ज़ोन मांय मिली ई कामयाबी रे साथे ही सरिस्का मांय बाघां मांय कुल तादाद बधने अबे 49 व्हे ग्यी है। ओ पहलो मौको है, जद बफर ज़ोन मांय एक ई बगत मांय चार शावकां रो जन्म व्हीयो है। जंगळात महकमा रा मुख्य वन संरक्षक संग्राम सिंह बतायो के कैमरा ट्रैप मांय बाघिन अर उण रा शवकां री तस्वीरां दरज व्ही है, सगळा पूरी तरह स्वस्थ है। वणा लोगां ऊं शावकां री हिफाजत देखता ई हलका मांय नी आवण री अरज करी है। उठी ने वनमंत्री संजय शर्मा ई खुशखबरी ने सोशल मीडिया माथे साझा करता बतायो के एसटी-19 सरिस्का री तीजी बाघिन है, जिण एक साथ चार शावकां ने जन्म दियो है।