संसद रो पावस सत्र 21 जुलाई ऊं सरू व्हेला। 21 अगस्त तांई चालण वाळा ईं सत्र रे दौरान केन्द्र सरकार री ओर ऊं जी.एस.टी. संशोधन बिल 2025 अर कराधान कानून संशोधन बिल समेत केई खास बिल पेश कर्या जावण रा आसार है। लोकसभा सचिवालय रे मुजब केन्द्र सरकार जन विश्वास संशोधन विधेयक, भारतीय प्रबन्ध संस्थान संशोधन विधेयक, भू-धरोहर स्थल अर भू-अवशेष संरक्षण अर रख-रखाव बिल अर राष्ट्रीय खेल प्रशासन विधेयक समेत आठ विधेयक सदन मांय पेश करण री योजना बणा रही है। संसद रो सत्र सरू व्हेवण ऊं पैली 20 जुलाई ने सगळी सियासी पार्टियां री मीटिंग बुलाई जावेला।