शुक्रवार ने राष्ट्रीय शिक्षक दिवस जळसा सागे मणायो जावेला। ईं मौके बेहतरीन काम करण वाळा 45 अध्यापकां रो राष्ट्रपति द्रौपदी मुर्मू मान करेला। ओ दिन पैली वाळा राष्ट्रपति सर्वपल्ली राधाकृष्णन रा जन्मदिन रे मौके मणायो जावे है। जयपुर रा बिरला सभागार मांय राख्या जावण वाळा राज्य स्तर रा शिक्षक सम्मान समारोह मांय मुख्यमंत्री भजनलाल शर्मा, उपमुख्यमंत्री, तकनीकी अर उच्च शिक्षा मंत्री डॉ. प्रेमचन्द बैरवा अर शिक्षा मंत्री मदन दिलावर ई शामिल व्हेला। इण ऊं पैली गुरूवार ने सिंज्यां बिड़ला सभागार मांय सांस्कृतिक कार्यक्रम राख्यो जा रह्यो है। शिक्षक दिवस रे मौके मुख्यमंत्री भजनलाल शर्मा शिक्षकां ने बधाई अर शुभकामनावां दीनी है। वे कह्यो के शिक्षक विद्यार्थियां री ज़िंदगी मांय ज्ञान भर र समाज अर देश रा उजळा भविष्य री नींव रखे है।