विश्व विरासत दिवस माथे शुक्रवार ने प्रदेशभर रा पुरातात्विक ठौड़ा अर धरोहरां माथे न्यारा-न्यारा कार्यक्रम व्ह रह्या है। विरासत दिवस रो ई साल रो मुद्दो-विरासत स्थलों पर आपदा और संघर्ष का संकट राख्यी ज्यो है। ई मौके सगळा संरक्षित स्मारकां मांय देखण वाळा सारू मुक्त प्रवेश राख्यी ज्यो। भारतीय पुरातत्व सर्वेक्षण री ई पहल रो मकसद लोगां ने देश री मजबूत सांस्कृतिक विरासत रे प्रति जागरूक अर प्रेरित करणो है। अजमेर ज़िला मांय ई सगळा स्मारका मांय पुरातत्व महकमो आवण वाळा सारू आज मुफ़्त राख्या। जैसलमेर मांय विरासत दिवस माथे सोनार किला मांय हैरिटेज वॉक निकाळी ज्यी। ई मौके नामी पटवा हवेली माथे चित्रकला अर फोटो नुमाईशी ई लगायी ज्यी। पाली मांय राजकीय कन्या छात्रावास री पढेसरा ने बांगड़ म्यूजियम दिखायी ज्या। भीलवाड़ा ज़िला रा शाहपुरा मांय केसरी सिंह बारहठ संग्रालय मांय सैलाणियां ने मुफ़्त आवण दीरीज्या। मुख्यमंत्री भजनलाल शर्मा विश्व धरोहर दिवस माथे लोगां ने शुभकामनावां देवता राजस्थान री संस्कृति अर समृद्ध एैतिहासिक विरासत अर धरोहरां ने बचावण सारू संकल्प लेवण री अरज करी।