विश्व पर्यावरण दिवस रे मौके उत्तर-पश्चिम रेलवे कानी ऊं स्वच्छता पखवाड़ो मनायो जावे। 22 मई ऊं सरू व्हीया ई पखवाड़ा रे तैत न्यारी-न्यारी गतिविधियां आयोजित करी जावे। ई कड़ी मांय जोधपुर मांय दीतवार ने प्लास्टिक क्लीनअप ड्राइव व्हीयो अर कपड़ा रा थैला बांटी ज्या, वठै ई अजमेर मांय दीतवार ने रैली निकाळने प्लास्टिक मुक्ति अर पर्यावरण ने बचावण रो संदेश दीरी ज्यो। प्रदेश मांय ई-वेस्ट डिस्पोज़ल रा बारा मांय जाग जगावण सारू ई-वेस्ट कलेक्शन ड्राइव सरू करी जाएला। राज्य प्रदूषण नियंत्रण मंडल ओ अभियान सगळा संभाग मुख्यालयां अर अलवर अर भिवाड़ी औद्योगिक शहरां मांय चलावेला। अभियान मांय औद्योगिक ईकाइयां ऊं ’’डोर स्टैप’’ आधार माथे ई-वेस्ट कलेक्शन करयो जाएला। इण रे साथे ई न्यारी न्यारी रेहवासी अर संस्थानां रे कने ई-वेस्ट कलेक्शन सेंटर बणाया जाएला।
000