विश्व पर्यटन दिवस थावर ने प्रदेश मांय ई उमाव सागे मणायी ज्यो। ई मौके सैर-सपाटा री ठौड़ां सैलाणियां सारू खास कार्यक्रम राख्यी ज्या। भरतपुर रा केवलादेव राष्ट्रीय उद्यान अर सरकारी संग्रहालय मांय देशी-परदेसी सैलाणियां री शहनाई बजा र आव-भगत करी ज्यी। ईं दौरान लोक कलाकार सोहवणा कार्यक्रम पेश कीना। अलवर रा सरकारी संग्रहालय मांय सैलाणियां रो रीत मुजब स्वागत करी ज्यो। सरिस्का हलका मांय ’जीरो प्लास्टिक ड्राइव’ चलायी ज्यो। जैसलमेर मांय गड़ीसर चौराहा माथे कलाकार गा-बजा र सैलाणियां रो स्वागत कीनो। करौली री ऐतिहासिक ठौड़ा ई मोटी तादाद मांय सैलाणी पूग्या। अजमेर समेत न्यारा-न्यारा ज़िलां मांय ई सैर-सपाटा री ठौड़ां सांस्कृतिक कार्यक्रम राख्या जावण सागे साफ-सफाई रा अभियान चलायी ज्या।