विधानसभा मांय सोमवार रो दिन ई हंगामादार रह्यो। शून्यकाल मांय कांग्रेस रा विधायक सुरेश मोदी नीम का थाना हलका मांय कानून व्यवस्था रो मुद्दो उठायो। ईं पाछे सदन मांय विपख रा नेता टीकाराम जूली मंत्री ऊँ बयान दिरावण री मांग कीनी। श्री जूली कह्यो के केवल एक विधानसभा हलका मांय ही नहीं बल्कि पूरा राज्य मांय कानून-व्यवस्था रा हालात खराब है। सरकार री ओर ऊँ बयान नी आवण परां कांग्रेस रा सदस्य हंगामो सरू कर दीनो अर वैल मांय आ र नारा लगावण लाग्या। लगातार विरोध रे कारण सदन री कार्यवाही बार-बार टाळणी पड़ी। शाम चार बज्यां तांई सदन मांय कामकाज ठीक ढ़ंग ऊँ नी चाल सकी, हालांकि भोजन री छुट्टी रा ठीक पछे सदन मांय हंगामा बीचे राजस्थान मत्स्य क्षेत्र संशोधन बिल 2025 पास कर दियो ज्यो। ईं बिल मांय गैर-कानूनी तरीका ऊँ मछलियां पकड़ण माथे जुर्मानो बधावण रो प्रावधान करी ज्यो है। ईं पाछे सदन राजस्थान आयुर्विज्ञान संस्थान जयपुर विधेयक 2025 ने ई विपख रा हंगामा बीचे मंजूरी दे दीनी।