विधानसभा अध्यक्ष वासुदेव देवनानी बुधवार ने अजमेर मांय महर्षि दयानन्द सरस्वती विश्वविद्यालय परिसर मांय बणाया जावण वाळा वर्धमान महावीर खुला विश्वविद्यालय रा क्षेत्रीय केन्द्र री नींव रखी। ईं मौके राख्यी ज्या कार्यक्रम मांय वे नौकरी-धंधा लायक बणावण वाळा कोर्स चलावण माथे ज़ोर दीनो। श्री देवनानी ईं सागे ई फ्रेंच अर जर्मन भाषा रा कोर्स सरू करण री जरूरत ई बताई। वे हाल ही मांय फ्रांस अर जर्मनी रा दौरा रो जिकर करता थकां कह्यो के वठे भारत रा लोगां सारु काम-धंधा रा खूब मौका है अर ऐड़ा कोर्स वठे नौकरी-धंधा हासिल करण मांय मददगार साबित व्हेला। विश्वविद्यालय रा कुलगुरू प्रोफेसर कैलाश सोडाणी बतायो के विद्यार्थियां रो झुकाव ओपन शिक्षा ओड़ी बध़ रह्यो है। विधानसभा अध्यक्ष कह्यो के वी.एम.ओ.यू. दूरस्थ बालिका शि़क्षा योजना रा तैत मुफ्त भणाई-लिखाई रो सुबीतो ई मुहैया करावे है। वे बतायो के लारला साल 39 हजार महिलावां इण रो फ़ायदो उठायो।