लोकसभा अर राज्यसभा री कार्यवाही बेमियादी बगत सारू टाळ दीरीजी है। ईं सागे ई संसद रो पावस सत्र पूरो व्हे ग्यो है। ईं मौके लोकसभा अध्यक्ष ओम बिरला कह्यो के सत्र रे दौरान 14 बिल पेश करी ज्या, ज्यां मांय ऊं 12 पास व्हे ग्या। वे कह्यो के विपख रा सदस्यां कानी ऊं पैदा करी ज्यी अड़चन रे कारण सदन मांय बमुश्किल 37 घंटा काम कर्यो जा सक्यो। राज्यसभा रा उपसभापति बतायो के सदन महज सवा 41 घंटा चाल्यो, जिण री उत्पादकता 38 दशमलव आठ फीसदी रही। स्थगन ऊं पैली राज्यसभा गुरूवार ने तीन बिल संसद री संयुक्त समिति ने भेज दीना। आं मांय 130वों संविधान संशोधन बिल, केंद्र शासित प्रदेशों की सरकार संशोधन बिल अर जम्मू-कश्मीर पुनर्गठन संशोधन बिल शामिल है।