राज्य सरकार सोमवार ने जयपुर मांय टक्क्र मार र भाग जावण रा मामला मांय मरण वाळां रा पिरवार वाळां ने पचास-पचास लाख रुप्या रो मुआवज़ो देवण रो ऐलाण कीनो है। ईं सागे ई मरण वाळां रा आश्रितां ने संविदा रा आधार ऊं नौकरी ई दी जावेला। ध्यानजोग है के ईं हादसा मांय तेज़ रफ्तार कार कानी ऊं टक्कर मार देवण रे कारण तीन जणां री मौत व्हे ग्यी ही अर पांच जणा ज़ख्मी व्हे ग्या हा, ज्यां रो जयपुर रा सवाई मानसिंह अस्पताल मांय ईलाज चाल रह्यो है। पुलिस रे मुजब काल तेज़ रफ़्तार ऊं गाड़ी चला र ले जा रह्यो कार ड्राइवर नाहरगढ़ रोड़ माथे पैदल जा रह्या मुसाफ़िरां ने कुचल दीना हा अर केई गाड़ियां ने टक्कर मार दीनी ही। हादसा री बगत गाड़ी चलावण वाळा रे नशा मांय व्हेवण री जाणकारी मिली है। मौके मौजूद लोग वां ने पकड़ र पुलिस ने सूंप दीनो। प्रशासन हालात ने ध्यान राखता थकां नाहरगढ़ अर आरे-सारे रा हलका मांय और पुलिस ज़ाब्तो लगायो है।