प्रदेश रा न्यारी-न्यारी ठोडां बिरखा रो दौर चाले। लारला चौबीस घंटा मांय केई ठोडां हळका ऊं भारी बिरखा दर्ज करीजी। मौसम केन्द्र जयपुर मुजब सब ऊं बत्ती 21 सेंटीमीटर बिरखा सवाईमाधोपुर रा चौथ का बरवाड़ा मांय दर्ज व्ही। राजधानी जयपुर मांय ई दीतवार ने हळकी बिरखा व्ही। सिरोही मांय जिलाभर मांय रुक रुकने बिरखा व्हे री है। मौसम सुहावणो होवण ऊं माउंटआबू मांय सैलाणियां री आवक बध ग्यी है।
मौसम महकमा मुजब आवता दो-तीन दिन कोटा, उदयपुर, भरतपुर, अजमेर अर जयपुर संभाग मांय कुछ ठोडां माथे हळका ऊं मझला अर कठे-ई-कठे भारी बिरखा होवण री आस है। वठै जोधपुर अर बीकानेर संभाग मांय कठे-ई-कठे बिरखा होवण रा आसार है।