राज्य मांय पश्चिमी विक्षोभ रा असर ऊं आवता चार-पांच दिन तांई आंधी-बारिश चालती रहवण रा आसार है। ईं दौरान बाड़मेर, जालौर अर आरे-सारे रा हलकां मांय कठे-कठे तेज़ बारिश री संभावना है। ईं सागे ई कठे-कठे तेज हवा चालण सागे बिरखा व्हे सके है। चित्तौड़गढ़, भरतपुर, चूरू, पाली अर झालावाड़ समेत न्यारी-न्यारी ठौड़ां ऊं बरसात रा समाचार है, हालांकि आंधी अर तेज बायरा ऊं केई ठौड़ां नुकसान ई व्ह्यो है। बाड़मेर ज़िला मांय आज लगातार दूजा दिन आंधी चालण पाछे तेज़ बिरखा व्ही। गडरा रोड, चौहटन, रामसर अर शिव हलका मांय रूंखड़ा उखड़ ग्या। कोटा मांय ई अंधड़ अर तेज़ हवा ऊं बिजली रा खम्भा अर रूंखड़ा पड़ ग्या। म्हाणा खबरनवीस बतायो के ईं कारण बिजली री पूर्ति मांय अड़चन आयी। भरतपुर मांय बरसात पाछे केई ठौड़ा पाणी भर जावण ऊं आवण-जावण माथे असर पड़्यो। पाली मांय व्ही तेज बिरखा पाछे परशुराम महादेव मांय झरना चालण लाग्या।