केन्द्रीय कृषि राज्यमंत्री भागीरथ चौधरी कह्यो है के नकली खाद बणावण अर बेचण वाळां लोगां रे खिलाफ करड़ी कार्रवाई करी जाएला। श्री चौधरी राज्य रा कृषि मंत्री डॉ. किरोड़ी लाल मीणा ऊं अजमेर मांय मिलण रे पछे मीडिया सामी बोल रिया हा। श्री चौधरी कयो के अन्नदाता काश्तकार ने नकली खाद बेचणो चिंताजोग मुद्दो है अर इण री जांच कराई जाएला। ध्यानजोग है के राज्य रा कृषि मंत्री श्री मीणा गुरूवार ने अर शुक्रवार ने अजमेर अर उदयपुर जिलां मांय न्यारी-न्यारी ठोड़ां खाद बणावण वाळी कम्पनियां ने देख्या, जिण मांय मोटा थर माथे गडबडियां सामी आई। केई ठोडां उर्वरकां मांय मिलावट ई उजागर व्ही। इण रे पछे आं कम्पनियां माथे खेती महकमा कानी ऊं कार्रवाई ई करीजी।