राज्य मांय थावर ने केई ठौड़ां ज़ोरदार बायरो बाजण सागे बिरखा व्ही जद के कठे-कठे आंधी चाली। नागौर, झुंझुनू अर चूरु समेत केई ठौड़ां दोपहरां पाछे आंधी चाली अर बिरखा सागे ओळा पड़्या। राजधानी जयपुर मांय ई दोपहरां पाछे तेज हवा सागे बारिश व्ही। कोटा, बारां, झालावाड़ अर डीग समेत केई ठौड़ां थावर ने बादळा मण्ड्या रह्या अर छांटो-छिड़को व्ह्यो। म्हाणी डीग खबरनवीस बतायो के वठे पारो उतरण ऊं लारला दो दिन मांय ज़ोरदार गर्मी ऊं साता मिली है। मौसम विभाग थावर ने सात ज़िलां मांय तेज अंधड़ अर गरज सागे बिरखा व्हेवण बाबत् चेतायो है। राज्य मांय थावर ने कठे ई लू नी बाजी अर 7 मई तांई पारो कम रेहवण रा आसार है। झुंझुनूं ज़िला मांय काल आया अंधड़ रे कारण घणा नुकसान हुआ। ज़िला कलेक्टर रामावतार मीणा बतायो के गांवाई हलकां मांय अंधड़ ऊं बिजली रा खम्भां अर तारां ने नुकसाण व्ह्यो है अर केई ठौड़ां ट्रांसफार्मर ने ई नुकसाण पूग्यो।