राज्य मांय थावर ने नागरिक सुरक्षा अभ्यास कर्यो जा रह्यो है। केंद्र सरकार रा हुकम पाछे ऑपरेशन शील्ड रा तैत आ मॉक ड्रिल अर ब्लैक आउट अभ्यास कर्यो जावेला। पैली ओ अभ्यास 29 मई ने कर्यो जावणो हो। गृह मंत्रालय रा दिशा-निर्देशां रे मुजब ईं अभ्यास रे ज़रिये युद्ध अर हवाई हमला रा हालात मांय राहत अर बचाव रा कामा री तैयारियां री परख करी जा रही है। डूंगरपुर रा जिला कलेक्टर अंकित कुमार सिंह बतायो के वठे ई किण ई आपात हालात रो सामो करण रो अभ्यास करी ज्यो। प्रशासन री ओर ऊं मॉक ड्रिल अर ब्लैकआउट रे दौरान घरां, दफ़्तरां अर मोटर गाड़िया री लाइटां बंद राखण सारू कहीं ज्यो है। ध्यानजोग है के इण ऊं पैली 7 मई ने ई प्रदेश मांय मॉक ड्रिल अर ब्लैकआउट करी ज्यो हो।