प्रदेश मांय लारला दिनां सरकारी महकमां री वेबसाइटां माथे व्ह्या साइबर हमला ने ध्यान राखता थकां सूचना प्रौद्योगिकी मंत्री कर्नल राज्यवर्द्धन राठौड़ थावर ने जयपुर मांय साइबर हिफ़ाज़त रा बारा मांय मीटिंग लीनी। मीटिंग मांय सूचना प्रौद्योगिकी अर ऊर्जा समेत केई महकमां रा अहलकार सिरकत कीनी। ईं मौके आई.टी. रा जाणकार रिटायर्ड कर्नल निधीश भटनागर खास जाणकारियां दीनी। खबरनवीसा सागे बातचीत करता थकां श्री राठौड़ कह्यो के साइबर सारू ज़रूरी कार्य योजना बणावण सागे ही लगातार नुवी जाणकारियां हासिल करणो जरूरी व्हे है। वे कह्यो के साइबर हिफ़ाज़त सारू राज्य रो आईटी विभाग मजबूत साइबर शील्ड बणावण बाबत् काम करेला।