राज्यपाल हरिभाऊ बागड़े जनता रा भला सारू केंद्र अर राज्य सरकार री ओर ऊं चलायी जा रही न्यारी-न्यारी योजनावां रो फायदो जरूरतमन्द लोगां तांई पूगावण सारू अहलकारां ने लगातार कोशिश करण बाबत् कह्यो है। वे गुरूवार ने जोधपुर मांय जिला स्तर रा अहलकारा सागे मीटिंग रे दौरान बोल रह्या हा। राज्यपाल क्षेत्रीय विकास अर सामुदायिक उत्थान री योजनावां ने असरदार तरीका ऊं लागू करण रा हुकम दीना। वां रो काल जैसलमेर ज़िला मांय सीमा सुरक्षा बल-बी.एस.एफ़ री चौकियां रो दौरो कर र जवानां सागे मुलाकात रो ई कार्यक्रम है।