राज्यपाल हरिभाऊ बागडे़ कह्यो है के जनता रा सामाजिक अर माली स्तर मांय सुधार लावण रा मकसद ऊं सरकार री ओर ऊं चलायी जा रही योजनावां घणी खास है। वे मंगलवार ने सलूम्बर मांय जिला स्तर रा अहलकारां सागे मीटिंग मांय बोल रह्या हा। श्री बागड़े अहलकारां ने योजनावां रो फायदो पात्र लोगां तांई पूगावण बाबत् कह्यो। राज्यपाल कह्यो के देश अर समाज री बरकत सारू भणाई-लिखाई जरूरी है अर हर तबका रा बच्चां ने गुणवत्ता वाळी शिक्षा मिलणी चाहिजे। श्री बागडे़ मंगलवार ने डूंगरपुर मांय ई अहलकारां सागे मीटिंग कीनी अर कलेक्ट्रेट परिसर मांय पौधा रोप्या। राज्यपाल दिव्यांगजन ने बिजली ऊं चालण वाळा वाहन ई दीना।