राज्यपाल हरिभाऊ बागडे़ कह्यो है के योग खुद रा विकास रो सब ऊं मोटा जरियो है। श्री बागडे़ शुक्रवार ने जयपुर ग्रेटर नगर निगम री ओर ऊं राख्यी ज्या योग साधक सम्मान समारोह मांय बोल रह्या हा। वे सगळा ऊं रोजीना योग अभ्यास करण री अरज कीनी। ईं मौके राज्यपाल 1 हजार 611 मिनट तांई लगातार योग कर र विश्व कीर्तिमान बणावण मांय खास काम करण वाळा योगाचार्यां, योग री सिखावण देवण वाळां अर योग प्रेरकां रो मान कीनो। जळसा मांय राज्यसभा रा सदस्य मदन राठौड़, जयपुर री सांसद मंजू शर्मा, जयपुर ग्रेटर नगर निगम री महापौर सौम्या गुर्जर ई योग संस्कृति ने ओर बधावण री अरज कीनी।