राज्यपाल हरिभाऊ बागड़े कह्यो है के विश्वविद्यालय मांय ज्यीं साल विद्यार्थी री शिक्षा पूरी व्हे जावे, वां ई साल दीक्षांत समारोह राख्यो जावणो चाहिजे। राज्यपाल मंगलवार ने जयपुर मांय राजस्थान स्वास्थ्य विज्ञान विश्वविद्यालय-आरयूएचएस रा 10वां दीक्षांत समारोह मांय बोल रह्या हा। वे कह्यो के समाज ने चोखा अर होशियार डॉक्टर मुहैया करावण सारू चिकित्सा शिक्षा मांय मौलिक शोध अर अनुसन्धान माथे ज़ोर दियो जावणो चाहिजे। राज्यपाल कह्यो के विद्यार्थियां ने डिग्री ई टेमसर देवण सारू सगळा लेवल माथे कोशिशां करी जावणी चाहिजे। श्री बागड़े कह्यो के विद्यार्थियां रो दिमागी बूतो बधावण माथे ई खास ध्यान दियो जावणो चाहिजे। ईं मौके राज्यपाल “नेशनल एकेडमिक डिपोज़िटरी पोर्टल“ री ई सरूआत कीनी। इण रे जरिये आरयूएचएस रा भणाई-लिखाई ऊं जुड़्या रिकॉर्ड ने डिज़िटल बणायो जावेला।