राजस्थान लोक सेवा आयोग री कानी सूं होबा वाळी प्राध्यापक विद्यालय प्रतियोगी परीक्षा-2024 खातर सोमवार सूं आवेदन पत्र भरया जा सकेला। आयोग न्यारा-न्यारा विषयां खातर ऑनलाइन आवेदन भरबा खातर न्यारी-न्यारी तारीखां माथे लिंक खोलबो रो फैसलो करया है। वठी ने कांस्टेबल भर्ती 2025 खातर आवेदन प्रक्रिया भी सोमवार सूं सरू व्हेला। ये आवेदन 17 मई तांई ऑनलाइन भर्या जा सके है। इण रे जरिये कांस्टेबल रा 9 हजार 617 खाली पदां माथे भर्ती करी जावेला। इण बीच दीतवार ने राजस्थान स्वास्थ्य विज्ञान विश्वविद्यालय री मेडिकल ऑफिसर परीक्षा जयपुर मांय न्यारा-न्यारा केन्द्रां माथे राख्यी गई। इण रे जरिये 1 हजार 700 पदां माथे भर्ती करी जावेला।