राजस्थान माध्यमिक शिक्षा बोर्ड ईं साल लीरीजी 12वीं कक्षा री परीक्षा रा नतीजा रो गुरूवार ने ऐलाण कर दीनो। शिक्षा मंत्री मदन दिलावर नागौर ऊं ऑन लाइन तरीका ऊं नतीजा रो ऐलाण कीनो। कला संकाय मांय 97 दशमलव 78 फीसदी, विज्ञान मांय 98 दशमलव 43 अर वाणिज्य संकाय मांय 99 फीसदी विद्यार्थी पास व्हे ग्या। बोर्ड वरिष्ठ उपाध्याय परीक्षा रा नतीजा रो ई ऐलाण कर दीनो है। गुरूवार ने ऐलाण करी ज्या नतीजां मांय टाबरियां ओजू तीन ई संकायां मांय आगे रही। शिक्षा मंत्री विद्यार्थियां ने बधाई देता थकां वां ने आगे ई करड़ी मेहनत करण री राय दीनी। ईं मौके बोर्ड रा अजमेर दफ़्तर मांय बोर्ड रा प्रशासक अर संभागीय आयुक्त महेश चंद्र शर्मा अर सचिव कैलाश चंद्र शर्मा समेत बोर्ड रा केई अहलकार मौजूद रह्या।