मुख्यमंत्री भजन लाल शर्मा सोमवार ने विकसित राजस्थान-2047 री रूपरेखा, जनता रा भला री योनावां लागू करण अर बजट मांय करी ज्या ऐलाण ऊं जुड़्या कामां रा बारा मांय सांसदां अर विधायकां सागे बातचीत कीनी। मुख्यमंत्री रा रेहवास माथे राख्यी ज्या ईं कार्यक्रम मांय भाजपा रा सांसद अर विधायक ओहदा सारू चुणाव लड़्या उम्मीदवार ई सिरकत कीनी। खबरनवीसां सागे बातचीत करता थकां गृहमंत्री जवाहर सिंह बेढ़म कह्यो के ईं कार्यक्रम रे मार्फत जनता रा नुमाइन्दां ऊं जनता रा प्रति पूरी जवाबदेही सारू काम करण बाबत् कही ज्यो। शिक्षा मंत्री मदन दिलावर खबरनवीसां ने बतायो के प्रदेश मांय व्ही ज़ोरदार बिरखा पाछे उपजा हालात ने ध्यान राखता थकां ज़िला कलेक्टरां ने सर्वे करावण रा हुकम दिया ज्या है।