मुख्यमंत्री भजनलाल शर्मा कह्यो है के वां रा राज रो डोढ़ साल राज्य रा लारला कांग्रेस राज माथे भारी है। वे शुक्रवार ने खेरथल-तिजारा ज़िला रा असलीनपुर मांय व्ही जनसभा मांय बोल रह्या हा। मुख्यमंत्री कह्यो के राज्य सरकार समाज रा आखिरी छोर रा लोगां री विकास मांय भागीदारी तैय करण माथे खास ध्यान दे रही है। वे कह्यो के सरकार गरीबी मुक्त गांव योजना सरू ई नी कीनी है, बल्कि ईं योजना सारू तीन सौ करोड़ रुप्या रो बजट ई राख्यो है। मुख्यमंत्री प्रदेश री लारली कांग्रेस सरकार माथे बजरी माफिया री हिमायत करण रो आरोप माण्ड़्यो। वे कह्यो के मौजूदा सरकार विकास ने नुवी दिशा दे र आमदनी बधावण रो काम कीनो है। मुख्यमंत्री खेरथल-तिजारा ज़िला मांय पंडित दीनदयाल उपाध्याय अंत्योदय संबल पखवाड़ा रा तैत लगायी ज्या शिविर रो जायज़ो लीनो। ईं पाछे वे बानसूर रा गिरूड़ मांय लगायी ज्या शिविर रो दौरो ई कीनो अर जनसभा ने सम्बोधित कीनी। दूजी कानी राज्य रा पैली वाळा मुख्यमंत्री अशोक गहलोत जोधपुर मांय खबरनवीसां सागे बातचीत करता थकां कह्यो के पांच साल बनाम डोढ़ साल री तुलना रो मुद्दो बेबुनियाद है।