मुख्यमंत्री भजनलाल शर्मा श्रीअन्न काम लेवण ने बधावो देवण सारू इण ने सरकारी कार्यक्रमां मांय शामिल करण बाबत् कह्यो है। श्री शर्मा मंगलवार ने वां रा रेहवास माथे साल 2025-26 री बजट घोषणावां माथे काम करण ऊं जुड़ी समीक्षा बैठक मांय बोल रह्या हा। मुख्यमंत्री कह्यो के श्रीअन्न रा पोषण बूता अर उपयोगिता ने ध्यान राखता थकां सरूआती तौर ऊं मिड-डे मील अर मां-बाड़ी केन्द्रां माथे श्रीअन्न आधारित चीजां काम लेवणो सरू करणो चाहिजे, ताकि बच्चां ने कुपोषण ऊं बचाया जा सके। श्री शर्मा अहलकारां ने श्रीअन्न री मार्केटिंग, उपज अर प्रचार-प्रसार ने बधावो देवण रा मकसद ऊं समिति बणावण रा हुकम ई दीना।