भ्रष्टाचार निरोधक ब्यूरो बागीदौरा रा विधायक जयकृष्ण पटेल कानी ऊं कथित तौर ऊं घूस रा तौर ऊं लिया ज्या 20 लाख रुप्या आज बरामद कर लीना, हालांकि एसीबी रकम बरामदगी री ठौड़ रो खुलासो नी कीनो है। ध्यानजोग है के भारत आदिवासी पार्टी रा विधायक जयकृष्ण पटेल ने रंग्या हाथां पकड़बा री कार्यवाही री बगत एक जणो घूस री रकम ले र भाग ग्यो हो। ईं बीचे, विधायक पटेल ने सोमवार ने अदालत सामी पेश करी ज्यो। अदालत विधायक अर वां रा एक रिश्तेदार ने दो दिन तांई रिमांड सारू भेज दीना। अदालत मांय पेशी पाछे विधायक पटेल खबरनवीसां सागे बातचीत करता थकां कह्यो के वे बेगुनाह है अर वां ने फंसाया जा रह्या है। ए.सी.बी. रा महानिदेशक रवि प्रकाश मेहरड़ा विधायक रा रेहवास ऊं हासिल करी ज्या सी.सी.टी.वी. फुटेज सीज कर दीना है।