भारत अर पाकिस्तान बीच फौजी कार्यवाही रोकण माथे सहमति बण ग्यी है। विदेश सचिव विक्रम मिसरी आज सिंज्यां खबरनवीसां ने आ जाणकारी दीनी। वे बतायो के दोन्यूं देशां बीचे थावर ने सिंज्यां 5 बज्यां ऊं फौजी कार्यवाही रोकण री सहमति बण ग्यी। पाकिस्तान रा डायरेक्टर जनरल ऑफ मिलट्री ऑपरेशन्स फोन कर र भारत रा डीजीएमओ ऊं ईं बारा मांय बातचीत कीनी। ईं पाछे फौजी कार्यवाही तुरत रोक दीरीजी।  सहमति रे मुजब दोन्यू पक्षां बीचे जमीन, हवा अर समुद्र मांय हर भांत री गोलाबारी अर फौजी कार्रवाई बंद रेहवेला। विदेश मंत्री एस. जयशंकर सोशल मीडिया पोस्ट रे जरिये भारत-पाक बीचे फौजी कार्यवाही रोकण री पुष्टि कीनी, हालांकि वे मांड्यो के भारत री आतंक रे खिलाफ लड़ाई चालती रेहवेला।